xub os xub aws

Song lyrics

Ua Siab Ntev

Artist: Magiic Hang feat. Douachi Yang

Published: 17/8/2025

Lyric by: nkauj hmoob

Lyrics

Me koj txiv kuv los nrog koj ua lub neej

Txog tas li no ntseeg tsis tau hais tias

Koj muaj ib lub siab phem siab li hiam npaum li ko

Yog kuv paub thaum ntxov hais tias yuav zoo li no

Kuv yeej tsis los nrog koj ua neej

Muaj me nyuam puv vaj puv tsev

Ua dab tsis los mag ces

Liab qab ncaws rau hauv pem teb

Muaj kuv hu ua ib tug maum dev

Saib kuv cuag li kuv tsis muaj nuj nqis

Koj puas nco qab thaum koj tuaj nqis tsev hais kuv

Cog lus tias koj yuav hlub kuv thiab

Yuav tsis muaj ib hnub ua koj yuav ntxub kuv thiab

Ntshe tau ntev lawm koj tsis nco qab

Txawm muaj thiab pluag los kuv tseem

yog koj tus poj niam ntawm koj ib sab

Tab sis hnub no koj tsa tes ntaus kuv

Muaj kuv ncaws thiab muaj nkaug

Hnub no kuv mam li paub tias

Kuv txoj kev hlub kuv muaj

rau koj tsis muaj qab hau

Hnub no koj tsa tes ntaus kuv

Muaj kuv ncaws thiab muaj nkaug

Hnub no kuv mam li paub

Kuv txoj kev hlub rau koj tsis muaj qab hau

Uv tsis tau lawm os kuv niam kuv txiv tej phooj tej ywg

Txawm muaj tub me nyuam los kuv yeej tsis xav kom

Kuv lub neej tws rau hauv av

Nej puas hnov na

Nej twb tsis yog tus hlub ua phem

Cas nej paub ua luaj

Hais kom kuv mog ua siab ntev

Kuv niam thiab kuv txiv

Nej tsis hlub kuv lawm tsis ua li cas

Vim kuv tsuas yog ib tug ntxhais qhua

Nej thiab li tsis xav hlub kuv li luag

Thaum kuv los quaj los thos los

Nej tsis kam los hlub los puag

Txog thaum kawg nej tus vauv

Thiab li muaj kuv ntaus tuag

Tuaj txog nej lub tsev los

Nej tsuas hais kom ua siab ntev

Rov qab mus vaj mus tsev

Thiab li tsis mag vauv ntaus vauv cem

Yeej paub tias nej tsis xav poob lub koob poob lub npe

Nej thiab li hais kom kuv rub kuv lub me siab kom ntev

Yuav tsum ua ib tug poj niam kom zoo

Nws lub siab thiab li tsis hloov

Txawm vauv hais lus siab lus qis

Los koj yuav tsum tau paub nyoo

Koj tsis txob hu tub ceev xwm ntes nws

Yog koj yog tus hu ces thaum ntawm

Ces koj yuav yog tus swb

Koj yuav tsum tau ua twj ywm

Tsis txob tsa ncauj

Luag tej thiab li nav thwm

Thiab saib koj muaj qab hau

Lub npe pog nrauj yeej tsis muaj leeg twg xav tau

Lub npe nkauj fa yeej tsis muaj leeg twg xav nqa

Npog koj lub qhov nrej thiab

Npog koj lub me qhov ncauj

Cov teeb meem no me nthxais

Koj tham qhia tsis tau

Npog koj lub qhov nrej thiab

Npog koj lub me qhov ncauj

Cov teeb meem no me nthxais

Koj tham qhia tsis tau

Uv tsis tau lawm os

kuv niam kuv txiv tej phooj tej ywg

Txawm muaj tub me nyuam

los kuv yeej tsis xav kom

Kuv lub neej tws rau hauv av

Nej puas hnov na

Nej twb tsis yog tus hlub ua phem

Cas nej paub ua luaj

Hais kom kuv mog ua siab ntev

Txawm kuv muaj kuv lub cev rau koj

Tsis tau txhais tias koj ua kuv cov nqaij mob

Txawm kuv yuav mus los

Kuv hlub koj qhov muag

Ntshe yog kuv yug los nrog daim ntawv ntuag

Uv tsis tau lawm os kuv niam kuv txiv tej phooj tej ywg

Txawm muaj tub me nyuam los kuv yeej tsis xav kom

Kuv lub neej tws rau hauv av

Nej puas hnov na

Nej twb tsis yog tus hlub ua phem

Cas nej paub ua luaj

Hais kom kuv mog ua siab ntev

Share