Lub suab nkauj no yog kuv seev rau koj koj puas hnov

Qhia rau koj tias kuv nco koj tsis ploj 

Es nco ntsoov mog tias koj yog tus kuv hlub

Yeej tsis muaj hnub lwm tus hloov tau koj qhov chaw

Chorus

Es txawm tiam no wb txoj hmoo tsis raug wb txoj hmoo tsis sawm los kav chawj

Koj yeej yog tus kuv tshua tus kuv nco yog tus kuv ntshaw tshaj plaws

Yeej tseem khaws wb txoj kev hlub yav tag dhau los puag thaum ntawv

Es txawm hnub no tus ntawm koj ib sab nws yuav yog lwm tus tsis yog kuv lawm

Kuv me leej muam nco ntsoov tias kuv yog yus txhawj txhawj koj

Txog caij ntuj sov ntuj no los thov kom koj tsis txhob muaj mob

Saib xyuas koj tus kheej kom zoo thaum tsis muaj kuv nrog koj nyob

Nco ntsoov tiag koj yog tus kuv nco txawm kuv thiab koj wb yuav nyob ib leeg ib qhov

Rap:

Lub caij ntuj no los twb yuav txog lub caij ntuj sov los twb yuav dhau

Saib xyuas koj tus kheej kom zoo mog thaum tsis muaj kuv tsam koj mob taub hau

Txawm kuv lub neej nws yuav zoo li cas los koj txhob txhawj thiab txhob xav ntau

Kuv xav kom koj nco ntsoov hais tiag koj xwb thiaj yog tus kuv xav tau

Txawm lub ntuj tsaus lub ntuj kaj lub ntuj tshav lub ntuj nag kuv nco koj yeej tsis paub tag

Koj yeej yog kuv txhua txhia yam tsis xav hais lawm tsis xav nroo li

Hais thaum twg ces kua muag poob

Kuv tus neeg zoo qhia rau koj paub txawm wb lub neej los tsis sib raug

Kuv yuav nco ntsoov koj lub me npe mus kom txog hnub av muab kuv faus

Kuv me leej muam

Vim koj thiaj yog tus kuv nco thiaj yog tus kuv xav nrog nyob 

Txawm wb nyob ib leeg ib qhov kuv yeej muab koj npau suav txhua hmo 

Kuv me npooj siab qhia rau koj paub tiag yuav tsis hnov qab koj mus kom tag kuv txoj sia